Aprubado na sang Department of Education ang P24,000 nga yearly subsidies para sa mga manunudlo sa mga pribado nga buluthuan.
Ini ang mas mataas sang P6,000 nagikan sa P18,000 sa karun nga salary subsidy sang mga manunudlo sa private schools.
Sumugod school year 2025-2026, mabaton na sang mga kwalipikado nga mga manunudlo ang P24,000 nga subsidies sa idalum sang Teachers’ Salary Subsidy component sang Government Assistance to Students and Teachers in Private Education (GASTPE) program.
Agud magqualify kag makabaton sang subsidy, dapat lisensyado ang mga manunudlo, full-time ang estado sang employment sa pribado nga eskwelahan kag dapat nga naga-uyat sang Educational Service Contracting (ESC) classes sa sulod sang tatlo ka oras kada semana.
Ang nasambit nga ammendment sa subsidy ang nakalinya sa pila ka mga prayoridad nga reporma sa edukasyon nga ginlawag ni President Ferdinand Marcos Jr. sa iya ikaapat nga State of the Nation Address.
