-- ADVERTISEMENT --
Kapin P274.926 billion ang pondo nga gintalana sang gobyerno para sa flood control projects sa idalum sang 2026 National Expenditure Program (NEP).
Suno kay Budget Secretary Amenah Pangandaman, sa nasambit nga pondo, P272.33 billion ang magakadto sa Department of Public Works and Highways (DPWH) para sa ila Flood Management Program samtang ang nabilin nga P2.593 billion ang magakadto sa Metro Manila Development Authority (MMDA) para sa ila Flood Control Program.
Ini ang para sa operasyon kag pagmanage sang nagkalain-lain nga pumping stations sa National Capital Region.
Ang budget para sa MMDA ang agud magmayo ang flood control sa Metro Manila agud madasig ang pagsubside sang baha.
