P3.4 million nga balor sang suspected shabu ang nakumpiskar sang mga pulis sa buybust operation nga ginpatigayon sa ciudad sang San Carlos diri sa probinsya sang Negros Occidental kahapon.
Kapin 500 grams nga suspected shabu ang nakompiskar sa operation sang mga operatiba sang PDEA-6 Special Enforcement Team kag PDEA-Guimaras kahapon sa 5th St., Margarita Village, Brgy. 2 San Carlos City, Negros Occidental.
Ginkilala ang arestado kay Emil Mariano alias ‘Nono’, kag residente sang Burgos St., Brgy 6, San Carlos City, Negros Occidental.
Nakompiskar sa paghinakop sini ang pila ka mga sachet sang suspected shabu nga nagabug-at sang 500 grams nga may market value nga P3,400,000, ang motor vehicle, black sling bag, red box kag buy-bust money, kag iban pa.
Ginapreparar na ang kaso nga ipasaka batok sa suspetsado sa paglapas sa Sections 5 kag 11, Article II sang Republic Act 9165 ukon Comprehensive Dangerous Drugs Act of 2002.
