Nagpain ang ciudad sang Bacolod sang P3.6 million agud nga makay-o ang masobra 20 ka mga traffic lights sa ciudad.
Sa interview sang Bombo Radyo Bacolod kay Engineer Loben Raphael Ceballos, pinuno sang Bacolod City Engineer’s Office, ang nasambit nga pondo ang napain na sang tinalikdan pa kag ini ang ginrequest sang Bacolod Traffic Authority Office (BTAO).
Suno kay Ceballos, ang pondo para lamang sa repairs sang masobra 20 ka mga traffic lights sa ciudad sang Bacolod.
Dugang pa sini nga nakadepende pa sa guba sang traffic lights ang maiguan sang ginpain nga budget gani nagaproject lamang sila sang mahimo makay-o nga traffic lights.
Suno diri ang ginabasehan nila ang records man nga ginhatag man sa ila sang BTAO.
Inisyal nga gina-estoryahan sa karun ang pagplastar sang husto nga traffic evaluation system sang BTAO antes pa ang mga ini mangin isa ka departamento.
Suno kay Ceballos, dapat ang mga major intersection sa ciudad ang dapat nga ievaluate.
Dugang pa sini, nga kun maevaluate na ini mahimo na sila makadihon sang nagakaigo nga solution sa problema sa trapiko sa ciudad sang Bacolod.
