Aprubado na sa session sang Sangguniang Panlungsod ang P34 million nga supplemental budget para sa bonus sang mga job order casuals kag dugang nga incentive sang mga regular employees sang Bacolod City Government Center.
Suno kay Councilor Thaddy Sayson, chairman sang Committee on Finance and Appropriations, P6 million ang gintigana para sa bonus sang mga job order casuals santo sa memorandum circular nga ginpagwa sang Office of the President samtang ang P28 million ang para sa dugang nga incentives sang mga regular employees.
Suno kay Sayson, ang P6 million ang igabakal sang bugas kag amu ang igapanagtag sa mga JOs.
Gin-athag sini nga indi nila direkta nga mabaton ang kwarta kundi ini ang igaconvert sa goods.
Suno sa konsehal, ginalauman nga antes matapos ang tuig 2022, mapanagtag na ang dugang nga bonus sa mga empleyado.
