Nakumpiskar sang Police Regional Office Negros Island Region ang P4.35 million nga balor sang suspected illicit cigarettes sa Barangay Balicotoc, Ilog, Negros Occidental kahapon, Oktubre 18.
Ginkilala ang mga arestado nga sanday alyas na “Mak,” 44-anyos, kag alyas “Mar,” 24-anyos, nga lunsay residente sang Barangay Cogon, Dipolog City.
Sila ang ginapahayag nadakpan nga nagatransport sang ginapatihan ilegal nga sigarilyo nga ginkarga sa isa ka canter.
Ang narecover nga tobacco products ang gina-alegar wala sang permit kag prescribed Graphic Health Warnings nga paglapas sa Republic Act No. 10643 ukon Graphic Health Warnings Law.
Gindayaw naman ni PRO NIR Director PBGen Rudencindo Reales ang mga operating personnel sa madinalag-on nga operasyon.
Ginpahayag ni Reales nga wala nila ginatugutan ang mga smuggling kag illegal movement sang illicit goods nga magsulod sa Negros Island Region.
