Mahimo nga isumiter na bwas ni Bacolod City Mayor Greg Gasataya sa Sangguniang Panlungsod ang P4.75 billion proposed budget sang ciudad sa 2026.
Sa interview kay Mayor Greg, P4,750,000,000 ang ila nga ginpropose nga budget para sa 2026, mas mataas sang P350 million sa budget subong nga 2025 nga P4.4 billion.
Pahayag sang alkalde nga ang nagapanguna nga gintalanaan nila sang dako nga pondo amo ang sektor sang edukasyon kun sa diin padamuon pa nila ang mga scholars sang ciudad.
Kasubong man ang pondo para sa ginahatag nga mga assistance, expansion sang Bacolod City Comprehensive Health Program (BACCHP) kag iban pa nga mga mandatory expenses.
Suno kay Gasataya, indi gid dako ang ila gindugang bangod gamay nadugang sa National Tax Allotment.
Ginalantaw nga masumiter na ang proposed budget sa SP bwas, kag ini ang mahimo matalakay naman sa session sa masunod nga semana.
