Ginpahayag sang Department of Agriculture nga ang P42 kada kilo nga presyo sang well-milled rice ang nagahatag sag isa ka “happy balance” sa tunga sa kinahanglanon nga income sang mga mangunguma kag affordability nga ginapangita sang mga konsumidor.
Suno kay Agriculture Secretary Francisco Tiu Laurel Jr., ang well-milled rice nga yara sa kapin P42 kada kilo ang magahatag sang isa ka happy balance sa tunga sang ila goal nga pagsiguro nga ang mga mangunguma ang may desente nga ginansya nagikan sa ila mga pinangabudlayan kag mga konsumedor nga maka-access sang mas barato nga pagkaon ilabi na bugas.
Suno sa DA, ang retail price sang well-milled rice sa Pilipinas ang mas barato kun ikumparar sa Thailand kag China, nga lunsay man rice-producing countries.
Santo sa monitoring sang tinalikdan nga semana, ginpahayag sang DA nga ang kada kilo sang well-milled rice sa pungsod ang yara sa P45 tubtob P52.
