Gin-endorso na sang Regional Tripartite Wages and Productivity Board (RTWPB) sa Western Visayas sa National Wages and Productivity Commission (NWPC) ang tubtob sa P450 daily minimum wage para sa mga nagatrabaho sa private establishments kag P500 nga monthly increase para sa sweldo sang mga “kasambahay” ukon domestic service workers.
Para sa non-agricultural/ industrial/commercial nga may yara sang napulo ka mga empleyado ang minimum rate mangin P450 nagikan sa P395, kag mangin P420 nagikan sa P310 para sa may manubo sa napulo ka mga empleyado.
Ang minimum wage rate para sa mga agricultural sector ang mangin P410 nagikan sa P315.
Suno kay labor department regional director kag RTWPB Region 6 chair, Atty. Sixto T. Rodriguez Jr. ang “original demand” amo ang P750 apang sa tion konsultasyon, ang pinakamataas nga proposal amo ang P400 tubtob P550.
Ang ginpirmahan nga wage orders ang reviewhon sang NWPC agud nga matumod kun nagcomply ukon wala ang RTWPB ang nagcomply sang mga requirements para sa issuance sang order ukon ang amount ang reasonable kag fair.
Ginpahayag man sini nga ginpahibalo siya sang May 12 nga ang NWPC ang umpisahan ang deliberasyon sa order sa madason nga semana kag ang posible nga ipagwa ang desisyon sa ukon antes sa Hunyo 12.
Sa tion nga mauprabahan na sang NWPC, ang order ang igapublished sa local papers kag mangin epektibo matapos ang 15 ka adlaw.
Ang wage board ang nagpatigayon sang tatlo ka public hearings para sa wage adjustments kag isa para sa “kasambahay” sang tinalikdan nga adlaw kasunod sang ginpasaka nga petisyon para sa wage adjustment sang mga employees union sang March 14, 2022.
Samtang ginalantaw nga magalambot sa P55 tubtob P110 ang ginapaabot nga saka sa sweldo sa Western Visayas kun aprubahan sang National Wage Productivity Commission (NWPC) kag Department of Labor and Employment (DOLE) ang proposal sang Regional Wage and Productivity Board (RWPB).
Sa interview sang Bombo Radyo Bacolod kay General Alliance of Workers Association (GAWA) Secretary General Winnie Sancho, gin-athag sini nga apisar nga naaprubahan na ini sang RWPB subject for approval man ini sagihapon sang NWPC.
Nahibaluan nga gin-endorso na sang Regional Tripartite Wages and Productivity Board (RTWPB) sa Western Visayas sa National Wages and Productivity Commission (NWPC) ang tubtob sa P450 daily minimum wage para sa mga nagatrabaho sa private establishments kag P500 nga monthly increase para sa sweldo sang mga “kasambahay” ukon domestic service workers.
Aminado si Sancho nga magamay lamang ang salary increase apang nakahatag ini sang gamay nga ligwa sa mga mamumugon nga wala nakatilaw sang salary increase sa sulod sang duha ka tuig.
Sa proposal nga ginpadala sa NWC, may pagsaka sang 55 pesos sa sweldo sang mga commercial kag industrial workers ukon humalin 395 magasaka ini sa 450.
Samtang, gin-proposed naman ang pagsaka sa sweldo sang mga agricultural workers sang kapin 95 tubtob 110 pesos ukon humalin sa 310 mangin 420.
Kun mapermahan sang tiglikom sang DOLE ang proposal, mangin epektibo ini 15 ka adlaw matapos nga mapublish sa local news paper.
Suno kay Sancho, sa bahin sang RTWPB nga ginabug-usan sang tiglawas gikan sa gobyerno, tagdumalahan sang mga negosyo kag labor group, nahisugtan na ang pagsaka sang amo nga kantidad sa sweldo sang mga mamumugon.
Ginahulat nalang sa karun sang RPWB ang approval sang NWPC sa wage order no. 36.
Ginpahayag man ni Sancho nga ini nga tion ang indi pa oras sang paghugyaw bangud madamo pa sang mga pagpanghangkat.
Suno diri may yara sang kabahin sang labor sector nga wala malipay pagsaka sang sweldo apang ginarespeto sini ang ila nga opinyon.
