Naaprubahan na ang proposed budget sang probinsya sang Negros Occidental para sa tuig 2024 nga kapin sa P5.4 billion.
Sa ginpatigayon nga deliberasyon sang Sangguniang Panlalawigan Committee on Finance sa sulod sang tatlo ka adlaw, wala sang ano man nga problema ang nagluntad kun sa diin nasabat kag nadepensahan sang tagsa ka mga department heads ang ila nga ginplastar nga budget.
P5,244,603,544 ang balor sang general fund samtang P119,041,156 naman ang budget para sa Economic Enterprise Development Department kag sa kabug-usan ini nagtotal sa P5,434,644,700.
Ang budget ang natalana para sa Abanse Negrense Framework nga project sang probinsya kag nalakip man diri ang Maintenance and Other Operating Expenses (MOOE) sang tagsa ka mga departamento kag sweldo sang mga personnel kag iban pa nga mga expense sang probinsya.
Ginplastar ni Board Member Rommel Debulgado, Chairman sang Committee on Finance, ang kabug-usan nga budget kag ini ang ginaprubahan ni Vice governor Jeffrey Ferrer.
Ang 2024 proposed budget sang probinsya ang nagsaka sa 6.66 percent kumpara sa 2023 budget.
