Gin-athag ni Councilor Jude Thadeus Sayson, chairman sang Committee on Finance sa Sangguniang Panlungsod sang Bacolod nga wala pa natalakay sa session ang P5 billion nga loan sang syudad agud nga gamiton para sa pila ka proyekto sang syudad.
Suno kay Sayson, ginapilian nila sa karun ang duha ka government banks nga ginalakipan sang Land Bank kag Development Bank of the Philippines sa pag-apply sang nasambit nga loan.
Ginpahayag man ni Sayson nga ang syudad ang may yara man sang ikasarang sa pagbayad sang utang bangud ang P5 billion nga proposed loan ang amat-amaton man kuha sa magapautang nga bangko.
Suno pa diri, mahimo sa bulan sang Abril ini ang estoryahan na sa SP.
Samtang, ang P2 billion ang natalana naman nga ibakal sang duta para sa sanitary landfill sa Barangay Felisa.
Suno kay Sayson may duha na ka landowner nga nagpabutyag sang pagbaligya sang duta sa syudad para sa sanitary landfill kag sa Barangay Felisa sa gihapon bangud ini ang aprubado sang DENR kag kun sa iban nga lugar magabutang sang sanitary landfill mahimo nga lima pa katuig antes makakuha sang clearance nagikan sa nasambit nga ahensya.
