Ginkompirmar sang gobernador sa probinsya sang Negros Occidental nga nakasulod sa 2021 budget ang P50 million nga allocation para sa expand sang Teresita Lopez Jalandoni Provincial Hospital.
Sa interview sang Bombo Radyo Kay Governor Eugenio Jose “Bong” Lacson, gin-inform na siya sang wala niya ginhingadlan nga senador nga napasulod sa 2021 budget ang P50 million kag nagalaom man ini nga marelease sa madali nga panahon ang budget.
Ginpahayag man ni Lacson nga may yara sang P50 million nga mahalin sa provincial government.
Suno diri ang nasambit nga kantidad ang nagikan sa savings sang probinsya kag ini ang para sa supplemental budget.
Nagapasalamat ini sa national government nga gin-akomodar ang luyag sang probinsya.
Ginpahayag man sini nga wala man sang nakita nga problema sa provincial hospital bangud naaddress naman ang mga problema kaangay sang hospital equipments.
Nagalaom man ini nga mangin ulihi na nga tuig sang COVID-19 ang 2021 bangud may yara sang COVID vaccine.
Samtang, dako naman ang nabulig sang sugar industry sa probinsya sa pihak sang ginapangatubang nga pandemya.
Nagapasalamat man ini nga wala man naigo sang mabaskog nga bagyo ang probinsya kag nagapadayon man ini nga magpangamuyo nga indi mahalitan sang bagyo ang probinsya.
