P500-K, igahatag sa sin-o man nga makatudlo sa ginapanaguan ni Michael Divinagracia

Tunga sa milyon ka pesos ang nagahulat sa sin-o man nga makatudlo sa ginapanaguan sang gina-alegar drug lord sa Negros Occidental nga si Michael Divinagracia.

Ini ang ginkumpirmar sang direktor sang Negros Occidental Police Provincial Office (NOPPO) nga si Police Colonel Romeo Baleros.

Suno kay Baleros, naghatag si Silay City Mayor Mark Golez sang P300,000 nga reward money kag dugangan man ini sang NOPPO sang P200,000.

Nahibaluan nga si Divinagracia ang residente sang Brgy. Mambulac, Silay City.

Naga-apelar gid si Baleros sa mga pumuluyo nga buligan sila nga madakpan ang gina-alegar drug lord.