Nagdangop sa Ipa-Bombo Ta segment ang isa ka taxi driver sang Angel In Us transport matapos gina-alegar nga wala na ginhatag sa ila ang P5,000 nga fuel subsidy bangod ini ang itabon na lamang sa ila nga shortages.Sa interview sang Bombo Radyo Bacolod sa taxi driver nga nag-ayo nga indi na hingadlan, ginpatawag na lamang sila sang operator sa opisina agud pirmahan ang listahan sang mga makabatun sang ayudad gikan sa Land Transportation and Franchising and Regulatory Board (LTFRB).
Sa ihibalo sini, halos tanan sila nga masobra 50 ka unit ang wala nakabatun sang ayuda.
Ginhambalan na lamang ang mga ini sang operator nga sila ang wala na sang lauman nga P5,000 bangod ini ang itabon na lamang sa ila shortage.
Aminado ang driver nga sila ang dismayado bangod kinahanglan man nila kuntani ang kwarta.
Mas maayo na lamang suno diri ang sitwasyon sang mga kaupdanan nila nga nagarent to own sang taxi, bangod ang ginkuha nga kwarta ang magasulod lamang sa ila bayad sa unit.
Pahayag sang ila operator nga ginhawiran ang kwarta bangod ini lamang ang tyansa nila nga makasukot sang utang, bangod masami nga resto ang pagbyahe sang mga driver.
Suno diri, kuntani bisan hatagan lang sila sang katunga sang kantidad, kag indi basta nalang magdesisyon nga wala na sila sang mabatun.
Panindugan sang taxi driver nga may ginbuy-an nga pahayag ang LTFRB nga ang ayuda nga para sa driver, ang para lang gid sa driver.
Ginakatingala man sini kun ngaa ang operator pa ang makakuha kun pwede man nga ini ang mahatag derekta sa drivers.
