Wala sa gihapon nakapakita ang stepfather ni Pearl Joy Galve, ang 15 anyos nga dalagita nga una nadula apang nasapwan na lamang nga wala na sang kabuhi sa sulod sang kampo sang tubo sang nakaligad nga semana.
Sa interview sang Bombo Radyo Bacolod kay Police Captain Michael Tuburan, station commander sang Bacolod Police Station 9, wala pa nakabatyag ang stepfather sang biktima nga si Rene John Nasis alias Negro.
Suno kay Tuburan padayon pa ang ila nga imbestigasyon agud matumod ang naghimo sang krimen.
Ginaimbestigaran pa sang mga kapulisan kun may yara sang police record ang suspect.
Samtang ang paghatag sang ciudad sang padya para sa makatudlo sa responsible sa natabo kay Pearl Joy Galve ang nagapakita lamang nga seryoso ang ciudad sa paghatag sang hustisya sa kamatayon sang biktima.
Sa interview sang Bombo Radyo Bacolod kay Atty Caesar Distrito, spokesperson ni Bacolod City Mayor Alfredo “Albee” Benitez, magahatag sang P50,000 ang ciudad sa makatumod kag makatudlo sang responsible sa nadangtan sang dalagita.
Ang nasambit nga kantidad ang mahimo nga madugangan pa.
Samtang ang stepfather ang madakop lamang kun may yara sang nagakaigo nga ebidensya nga nagapamatuod nga may kahilabtanan ini sa krimen.
