Wala pa nakabalik sa probinsya sang Negros Occidental ang deed of donation document sang P50 million nga ginhatag sang national government para gastohon sa mga biktima sang paglupok sang bulkan Kanlaon.
Suno kay Negros Occidental Governor Eugenio Jose ‘Bong’ Lacson, ang deed of donation document ginpadala sang Malacañang padulog diri sa probinsya agud mapermahan sang gobernador.
Matapos nga mapermahan, ini ang ibalik sa Malacañang.
Suno sa gobernador, masobra sa isa na ka semana sang ginpadala sa Manila ang dokumento apang tubtob sa karun wala pa nabalik diri.
Ini ang rason nga wala pa naggamit ang P50 million nga ginhatag sang national government para sa mga evacuees.
May yara naman sang guidelines kun sa diin ini gamiton, kaangay na lamang sa pagkaon kag kinahanglanon sang evacuees.
