Nadesisyunan na ang padulongan sang P525 million nga budget kuntani sa pagpatukod sang Burgos Public Market sa ciudad sang Bacolod.
Madumduman nga gintalana ang P525 million nga budget para sa pagparenovate sang Burgos Public Market apang wala ini nadayon bangod nga wala nagpahanugot ang mga vendors sa kahangawa nga magmahal ang ila balayran sa renta.
Suno kay Bacolod City Mayor Alfredo ‘Albee’ Benitez, ang budget ang ginre-align na lamang nga dugang sa budget sa mga proyekto sang ciudad.
P250 million ang magakadto sa pagconstruct sang Legislative building nga may yara sang inisyal nga budget nga P514. 6 million; P190 million ang magakadto sa pagrenovate sang old city hall nga may inisyal budget nga P223 million; P60 million sa city health complex nga may inisyal nga budget nga P219 million; P15 million para sa pagtapos sa pagcontsruct sang Tree Park sa Brgy Alangilan nga may inisyal budget nga P47 million; kag P10 million para sa construction sang animal shelter.
