Nagtalana sang P57.5 million nga budget ang Bacolod City Government para sa paghost sang labing una nga Negros Island Regional Athletic Association Meet (NIRAAM).
Ang aktibidad ang natalana patigayunon halin Marso 1 tubtob 7 sa Panaad Park and Stadium.
Kun sa diin, nagpain ang ciudad sang P30.5 million para sa preparsayon sang events, samtang ang P27 million ang para naman sa assistance sa mga athletes.
Subong nga adlaw, sila ang nagpatigayon na sang meeting upod sa nagkalainlain nga stakeholders para sa preparasyon sa paghost sang pahampang.
Ang DepEd Division of Bacolod City ang may-ara sang 902 ka mga atleta para sa NIRAAM kag sila ang hatagan sang 30-days daily allowance nga P300 para sa training.
Ginalauman nila nga pinaagi sa ginapakita nga suporta sang Bacolod City Government, mas ma-inspire pa ang mga atleta nga ayuhon ang ila performance.
Dako man ang ila ekspektasyon bangod ini ang una nga Regional Meet nga ang ciudad sang Bacolod ang nagseparar na sa Negros Occidental.
Nahibaluan nga ang Bacolod City ang wala na nag-upod sa ginpatigayon nga Provincial Meet, sa baylo sila ang magarekta na lamang sa NIRAAM.
Sa NIRAAM, ang magacompete amo ang Bacolod City, Negros Occidental, Negros Oriental kag Siquijor.
Kun sa diin may-ara sang 28 ka events para sa Elementary category kag 45 ka events sa Secondary category.
