Ginalauman nga pagapermahan ni President Ferdinand “Bongbong” Marcos Jr. ang P6.352 trillion national budget plan para sa 2025 sa Disyembre 20, 2024.
Ini ang ginpahayag ni Presidential Communications Office Acting Secretary Cesar Chavez sang Miyerkules sang siya ang ginpamangkot kun san-o permahan sang Presidente ang hagna.
Apang ginclarify sini nga tentative sa gihapon ang petsa.
Una na nga gin-aprubahan sang bicameral conference committee ang final version sang 2025 General Appropriations Bill (GAB) nga naga-unod sang national budget plan para sa fiscal year 2025.
Suno kay Senate President Pro Tempore Jinggoy Estrada, ang budget para sa Office of the Vice President ang nagapabilin sa P733 million.
Una na nga ginpahayag ni Presidential Legislative Liaison Office Secretary Mark Leandro Mendoza nga pagapermahan ni Marcos ang budget bill antes ang Paskwa.
