Gin-aprubahan na sang Bicameral Conference Committee ang P6.793 trillion nga national budget para sa 2026.
Ginpirmahan sang mga representative nagikan sa Senado kag Kamara ang bicameral report matapos ang deliberasyon nga ginpatigayon sa Philippine International Convention Center sa Pasay City.
Suno kay House Appropriations Chair Mikaela Suansing, nagatutok ang budget sa pagpasanyog sang human capital kag sa transparency.
Samtang, ginpahayag naman ni Senate Finance Chair Sherwin “Win” Gatchalian nga daku ang alokasyon para sa edukasyon, health kag agrikultura.
Ini ang una nga tion nga ginbuksan ang bicam deliberations sa publiko paagi sa livestream.
Katuyuan sini nga malikawan ang mga anomalya kag madugangan ang pagsalig sang pumuluyo sa proseso sang budget.
Pagaratipikahan sang Senado kag Kamara ang bicameral report subong nga adlaw.
Samtang, ginalauman nga pirmahan ni Presidente Ferdinand Marcos Jr. ang General Appropriations Act sa una nga bahin sang Enero 2026.
