Ginretain sang General Appropriations Bill (GAB) nga gin-aprubahan sang Senado ang P733 million nga budget sang Office of the Vice President santo sa ginpropose sang version sang Kamara.
Ini ang gin-anunsyar ni Senator Grace Poe kadungan sang pagpasar sang Senado sang hagna nga naga-unod sang P6.352-trillion national budget para sa 2025 sa third and final reading.
Suno sa chairperson sang Senate finance committee chairperson, ini ang magadepende sa mga miyembro sang bicameral conference committee nga magdesisyon kun pasakaan ukon panubuan ang 2025 budget para sa OVP kag sa kontrobersyal nga Ayuda para sa Kapos and Kita Program (AKAP) sang Department of Social Welfare and Development.
Suno naman kay Senator JV Ejercito, may yara sang mainit nga pagbayluhanay sang mga pahayag natuhoy sa budget sang OVP sa caucus nga ginpatigayon sang tanan nga Senador antes ang approval sang GAB.
