Gin-aprubahan sang bicameral conference committee ang 2026 proposed budget sang Office of the Vice President (OVP) nga nagabalor sang P889.2 million.
Ini ang kaparehas nga balor sa gin-propose sa idalom sang National Expenditure Program (NEP).
Nahibaluan nga ginpanubo sang House version ang budget sang OVP tubtob sa P733 milyon.
Ang pagpanubo ang kasunod sang pagbalibad ni Vice President Sara Duterte nga depensahan ang buget sang iya opisina sa mga deliberasyon.
Madumduman nga wala nagsabat si VP Sara sa mga pamangkot nahanungod sa paggamit sang iya opisina sang P625 million nga confidential funds ang 2022 kag 2023.
Panindugan sini nga ang isyu ang sakop na sang nagapadayon sadto nga impeachment case batok sa iya kag makapahuyang sa national security.
