Ginadayaw sa karun ang Toboso Municipal Police Station bangod sa ila nga inisyatibo nga paghiwat sang birthday sang mga pigado kag wala sang ikasarang nga mga kabataan.
Suno kay P/Maj. Jun Ray Batadlan, deputy chief sa Toboso Municipal Police Station, ang “Pa-Birthday ni Toboso PNP” ang gin-umpisahan sini sang siya ang duha tubtob tatlo ka semana pa lamang sa Toboso Municipal Police Station.
Paathag sini nga sang siya ang nag-upod sa School visitation sang Police Community Relation – Police Non Commission Officer (PCR-PNCO), nakita sini nga madamo sa mga kabataan ang ginagutom na samtang sila ang nagalecture gani indi makafocus kag kasubong man nga nakita kun ano ka pigado ang nasambit nga lugar.
Santo diri, kaangay nga normal na lamang sa mga kabataan nga makita ang pagsulod sang mga kapulisan sa buluthuan agud maghatag sang lectures may kaangtanan sa anti-illegal drugs, anti-insurgency kag violence against women and childrens.
Bangod sini, ginpinsar ni Batadlan nga magpangita sang iban nga inisyatibo nga nagresulta sa pagpa-birthday sa mga kabataan.
Dugang pa sini nga pinaagi sa programa, mabag-o man sang mga ini ang panan-aw sang mga kabataan nga ang mga kapulisan ang yara lamang agud magpanakop, kundi nagabulig man sa mga nagakinahanglan.
Agud mapatigayon ang programa, sila ang nagkoordinar sa manunudlo kasubong man sa prinsipal kag wala sang may ginapahibalo nga ginikanan ukon recipient natuhoy sa surpresa.
Duha sa mga nasupresa sang mga kapulisan amo ang 11 anyos nga Grade 3 student nga naghilibion gid bangod sa kalipay.
Suno diri, ang bata nga ila ginpili ang wala pa nakaagi ginhiwatan sang birthday ukon wala pa nakaagi huyop sang birthday cake santo sa rekomendasyon sang manunudlo.
Ang programa ang ginlakipan na sang lecture, paghatag sang regalo kag feeding program.
Aminado si Batadlan nga ang programa ang wala lang nakahatag sang kalipay sa bata kundi bisan mismo sa mga Police Personnel.
Paathag sini nga tanan nga Police Stations ang may PCR activities kag natabuan lamang nga naglapta sa social media ang ila programa kag nakaangkon sang pagkilala.
Pahanumdom sini sa mga kabataan nga bisan ano pa ang kapigaduhon indi pagbuy-an ang handom kag magpadayun sa pag-eskwela samtang ginpasalig man sini nga yara lamang ang Toboso Municipal Police Station agud magbulig.
