Ginpamatukan ni Private Prosecutor Atty. Amando Ligutan ang pamaagi sang cross-examination ni Defense Counsel Atty. Carlo Narvasa sa ikatatlo nga adlaw sang impeachment trial batok kay Vice President Sara Duterte kahapon, Hulyo 8, 2026.
Hugot nga ginpamatukan ni Atty. Ligutan matapos nga nagsugod sa pagpamangkot si Atty. Narvasa ang testigo nga si NBI Cybercrime Division Senior Agent John Mark Calilung angot sa kaundan sang isa ka investigation affidavit sadtong Pebrero 10, 2025 angot sa grave threats complaint batok sa Bise Presidente.
Gin-emphasize ni Ligutan nga indi makasabat sang tadlong kag patas ang testigo kun indi sini makita ukon mahatag sa iya ang printed copy sang affidavit nga ginatumod sang depensa.
Sa tunga sang asod-asod nga pag-obserbar kag pagpamalabag ni Atty. Ligutan sa linya sang pagpamangkot ni Atty. Narvasa sa testigo, natalupangdan ni Senate President kag Presiding Officer Francis “Chiz” Escudero nga daw kaangay “frustrated” ukon nainit na ang counsel sang prosecution.
Nagsabat naman si Ligutan sang, “I’m very patient, your honor.” agud nga magkalma ang tensyon sa nagapadayon nga cross-examination.
