Indi kaangay sa Pilipinas, sa Italy sa tion sang Christmas eve wala nagakaon ang mga pumuluyo sang karne kag wala man sila ginapahanugotan nga magsulod sa simbahan kun wala sang imbetasyon.
Sa interview sang Bombo Radyo kay Jocelyn Tupino, Bombo International News Correspondent derekta sa Rome, Italy, sa December 24, Christmas eve, may yara sang gathering sang magpamilya kag mag-abyan apang wala ginapahanugotan ang pagkaon sang karne.
Suno diri, sa amo man nga gab-i nagahatag sang regalo.
Mahimo man nga magpadulong sa St Peter’s Square apang indi makasulod sa simbahan kag mag-attend sang misa kun wala sang invitation.
Regular holiday man sa pungsod sa Disyembre 25 kag 26.
Suno kay Tupino, sang Sabado, nag-umpisa na sa pagbutang sang Christmas decorations sa mga dalanon kag sa mga mall.
Si Tupino ang 27 ka tuig na nga nagatinir sa Italy nga sa karun nagaplano magpauli sa masunod sa tuig.
