Naga-pati ang national president sang Philippine Agricultural, Commercial and Industrial Workers Union -Trade Union Congress of the Philippines (PACIWU-TUCP) nga may yara sang lapses kag wala sang due process ang ginhimo nga pag-ilis sang Presidente kag Chief Executive Officer (CEO) sang Yanson Group of Bus Companies.
Sa interview sang Bombo Radyo kay Hernane Braza, ginpahayag sini nga indi madali-dali islan ang isa ka presidente sang kompanya kun wala sang proper turn-over kag kun wala sang formal declaration.
Suno kay Braza, ang PACIWU-TUCP ang may yara man sang collective bargaining agreement nga gina-primahan ni Leo Rey Yanson bilang presidente sang kompanya.
Gin-athag man sang National President nga wala sini ginapahayag nga may sala ang kampo sanday Roy Yanson, Ma. Lourdes Celina Yanson-Lopez, Emily Yanson, kag Ricardo Yanson Jr. nga amo ang nag-pahalin sa ila manghod nga si Leo Rey bilang Presidente kag CEO sang ila kompanya, apang suno sa iya, wala gin-himo sa insakto nga pamaagi ang pag-pahalin kay LRY rason nga ginakabig ini sang union nga isa ka invalid kag kwestiyonable ang pagtake-over ni Roy Yanson sa posisyon.
Bangud sini, naga-suporta ang PACIWU-TUCP sa bahin ni Leo Rey kag sa iloy nga si Olivia Yanson bangud sila ang legal nga gina-sunod sang mga empleyado nga amo ang naga-padalagan sang kompanya sang ila pamilya.
