Padlock, katingalahan kun paano natakod sang isa ka bata sa iya ilong

Masami sa mga kabataan nagahampang kag nagasulod sang mga gagmay nga butang sa ila baba, ilong ukon dulonggan man kun mapabay-an.

Kaangay sa isa ka bata sa Huaihua, China, indi klaro para sa ginikanan sini kun paano niya nabutang ang lock sa iya ilong.

Nagapati ang mga firefighters kag ang ginikanan sang bata nga posible nagahampang ini kag ginsunod ang pagbutang sang higot sa ilong sang karbaw.

Matapos ang pila ka attempt nga kakason ang lock, nangayo na sang bulig ang bata sa iya ginikanan apang nabudlayan ang mga ini bangod nagakasakitan ang bata.

Nangayo sila sang bulig sa local fire department apang bisan para sa ila wala nangin mahapos ang pagkakas sang lock.

Natigayon naman nga nakakas ang lock gamit ang pliers.