-- ADVERTISEMENT --
Wala pa sang pat-od nga oras sa pag-abot sang bangkay sang 49 anyos nga Filipina caregiver nga tumandok sang banwa sang San Enrique nga napatay sa Israel matapos nga makaangkon sang patal nga pilas bangud sa air strike sang Iran sang June 15.
Siya gindala sa Shamir Medical Center kun sa diin ini ang ginpaidalom sa pila mga surgeries kag nagpabilin sa Intensive Care Unit sa sulod sang pila ka semana apang sang Hulyo 14 ginbawian ini sang kabuhi.
Sa interview sang Bombo Radyo kay Dona Mosquera, utod ni Leah, subong nga hapon maabot sa Manila ang isa nila ka utod nga si Joy nga kaupod ni Leah sa pagtrabaho sa Israel.
Suno diri, wala pa sila sang kumpirmado nga oras ukon petsa kun san-o maabot ang bangkay ni Leah diri sa Pilipinas.
