Magalabay sa husto nga proseso ang pag-adopt ukon pag-ampon sang lapsag nga ginbilin sa lobby sang San Sebastian Cathedral sang Domingo kun may yara gid man sang willing.
Suno kay Sally Abelarde, officer-in-charge sang Department of Social Services and Development, ang staff sang City Disaster Risk Reduction and Management Office ang nag-utod sang pusod.
Sa karon, ang bata ang yara sa isa ka private home nga amo ang nagasagod sa iya kag nagahatag sang iya nga kinahanglanon.
Nagpanugyan ini sa iloy nga kun nagkambyo ang paminsaron sini nga magdala sang nagakaigo nga documents agud nga mapakilala ang iya kaugalingon.
May yara man sila sang fact-finding agud matumod ang iloy sang bata, kasubong man ang Women and Children’s Protection Desk kag Commission on Human Rights.
Sa tion nga may willing nga mag-adopt sa baby boy, igadeterminar anay sang DSWD bangud hatagan sang prayoridad ang pamilya sini, samtang magalabay naman sa husto nga proseso ang luyag nga mag-ampon bangud magaissue ang DSWD secretary nga ang bata ang legally ready para sa adoption.
Ang nasambit nga proseso ang magalawig sang binulan.
Sa tion naman nga indi magpakilala ang matuod nga iloy, igaproseso sang DSSD ang foundling sang bata agud nga sila ang mahilway sa technicalities.
Suno kay Abelarde, maayo lang bangud ginbilin ang bata nga buhi apang aminado ini nga bulahan ang ginikanan nga ginhatagan sang grasya.
Bangud sini, nagpanugyan si Abelarde sa mga ginikanan nga siguruhon nga mahatagan ang bata sang iya needs kag indi pang-ipanghatag ukon ibilin.
