Ginakasubo sang obispo sang Diocese of San Carlos sa San Carlos City, Negros Occidental ang pagpasar sa second reading sang House Bill 9348 ukon ang Divorce Bill.
Ang hagna ang may tinutuyo nga idissolve ang marriage.
Pila sa mga grounds amo ang physical abuse kag drug addiction.
Sa interview sang Bombo Radyo Bacolod kay Bishop Gerardo Alminaza, nasubuan sila sa pagpasar sang nasambit nga hagna apang wala naman sila nakibot.
Suno kay Alminaza, mahimo nga isa na ini sa legacy sang bag-o nga administrasyon ang Bagong Pilipinas.
Suno diri nasubuan man ini bangud may mga residente nga nalipay sa pagpasar sang hagna.
Para kay Alminaza daw kaangay nga kabahin sang ginatawag nga pag-umwad sang bag-o nga administrasyon ang pagduso sang divorce.
Suno sa obispo nagapabilin ang panindugan sang simbahang katoliko nga wala nagakumporme sa divorce kag Christian country ang Pilipinas.
Suno diri, ang divorce ang indi solusyon sa failed relationship kag makaluluoy ang mga kabataan sa tion nga mangin layi na ang hagna.
Panugyan pa sini nga ang tanan nga ginahimo ang may yara sang konsekwensya gani nagakadapat nga mangin handa ang tanan sa pag-atubang sini.
