Nagapati ang political analyst nga nabawi ni President Ferdinand “Bongbong” Marcos Jr. ang pagsalig sang pumuluyo matapos wala ginpunggan ang pagp-aresto sa iya pakaisa nga si former House Speaker Martin Romualdez.
Sa interview sang Bombo Radyo Bacolod kay Atty Jomax Ortiz, para sa iya napamatud-an nga indi lamang drama-drama ang pagfile sang kaso kaangay sa ginapinsar sang pila ka pumuluyo sadto.
Paathag niya nga may mga nagagwa nga panan-awan nga ginpasakaan lamang sang kaso si Romualdez, apang ini ang indi man pasakaon sa korte.
Apang sa pagserbe sang warrant of arrest kay Romualdez, napamatud-an nga matuod ang pahayag ni Marcos nga indi ini magpasilabot sa kaso sang iya pakaisa.
Suno kay Ortiz, nagpanaog ang popularity ratings ni Marcos sang gindagdagan sang warrant of arrest si Vice President Sara Duterte, apang napamatud-an man sini ang kaugalingon sang ginpahanugutan ang pagserbe sang arrest warrant kay Romualdez.
Ang pag-aresto ang ma-credit man sa achievements ni Ombudsman Jesus Crispin Remulla.
Paathag sini nga lain ang pagfile sang kaso, kag lain man kun nahimo na ang pag-aresto.
Suno diri, sa pagkaso ini ang pwede nga mahambal nga ginhimo agud malikaw ang atensyon sang tawo kay Romualdez kag indi na madalahig si Duterte.
Apang sa pagka-aresto, pahayag ni Ortiz nga non-bailable ang kaso ni Romualdez nga P4.7 billion nga plunder case, nga mahimo madugangan pa.
Paathag sini nga mas mabug-at pa ini sangsa kaso nga ginapangatubang nanday Senator Jinggoy Estrada kag former Senator Ramon Revilla Jr.
