Ginlakip ni Vice President Sara Duterte ang pagkaaresto ni former President Rodrigo Duterte sa iya mensahe sa bag-o nga mga graduates sang Philippine National Police Academy (PNPA) kag ginpahayag nga nagalaom ini nga ang bag-o nga mga opisyales ang magatindog para sa kamatuoran, manginmatay para sa insakto kag protektahan ang nasyon nagikan sa mga corrupt.
Nagpagwa sang statement ang bise-presidente antes ang graduation sang PNPA Sinaglawin Class of 2025 kun sa diin nangin guest of honor si President Ferdinand Marcos Jr.
Suno diri, kuntani permi nga pilion sang mga ini ang insakto kag indi pagpahanugutan nga mabahiran ang ila propesyon sang sala kaangay sang pagsurrender sang isa ka Filipino sa iya kaangay nga Filipino.
Ginpahayag man sini nga dapat palabihon sang mga PNP officials ang interest sang mga Filipino labaw sa tanan.
