Nakahatag sang paglaom sa mga pamilya sang biktima sang Extrajudicial Killing sa idalom sang implementasyon sang war on drugs ang pag-aresto kay former President Rodrigo Duterte, suno sa Obispo sang Diocese of San Carlos.
Sa pahayag ni Rev Fr Gerardo Alminaza, ang pagpadakop sang International Criminal Court sa anay Presidente ang naghatag sang dugang nga kusog para sa ila nga mga advocate sang kalinong kag hustisya nga magpadayun.
Para sa iya si Duterte ang indirect perpetrator sa nadamo nga pagpamatay gani ini ang ginkasuhan sang crime against humanity.
Ang development ang nakahatag naman sang paglaom sa mga pamilya sang biktima sang inhustisya sa implementasyon sang war on drugs.
Suno diri, ang Diocese of Bacolod ang nagapanawagan sa pag-untat sang pagpamatay kag nagapanawagan sang konsensya sa mga nagahimo sini.
Sila ang nagasuporta man sa mga pamilya sang biktima nga padayun nga nagapanawagan sang hustisya.
Ang pag-aresto kay Duterte ang nagaserbe nga paglaom para sa mga biktima nga ginpatay nga wala napaidalom sa husto nga imbestigasyon kag madamo sang inosente nga gindingotan sang hustisya.
Bilang pari, witness man ini sa madamo nga mga kaangay nga report kalakip na ang pila ka mga aktibista nga ginpamatay.
Masakit man para sa ila bilang pari nga madamo sang makita nga nagasuporta sa bayolente nga kampanya ni Duterte batok sa kriminalidad kag illegal nga droga.
Panawagan sini sa mga nagasuporta nga binagbinagon ang values bilang tumuluo.
Suno diri, ang impunity ang madugay na sa Pilipinas apang mas nagsanyog nagid ang pagpamatay sa Duterte Administration.
Ang pagpapanabat kay Duterte ang ginalantaw man sini nga magaserbe nga warning sa masunod nga magapamuno sa pungsod sa konsekwensya sang paghimo sang mga bayolente nga tikang.
