Gin-athag ni National Bureau of Investigation (NBI) Director Atty. Melvin Matibag nga wala sang kaangtanan sa International Criminal Police Organization (Interpol) red notice ang pag-aresto kay former congressman Zaldy Co sa Prague, Czech Republic.
Suno kay Matibag, nadakpan ang anay mamalidha bangud sang immigration violation.
Suno diri nakahanda ang NBI pananglitan may order nga i-repatriate si Co pabalik sa Pilipinas.
Una na nga ginpahayag ni Interior Secretary Jonvic Remulla nga yara sa immigration detention facility si Co.
Si Co nga anay chair sang House Committee on Appropriations nga naga-oversee sang national budget, ang nagbiya sa pungsod matapos madalahig sa multibillion-peso flood control scandal kag nagapalagyo halin sang Hulyo 2025.
