Ginakabig sang China bilang importante kag wala ginlauman nga insidente ang pagkaaresto kay former President Rodrigo Duterte.
Suno kay Mao Ning, director sang Foreign Ministry Information Department, gin-note sang China ang nasambit nga balita kag hugot nga ginsundan kun paano ini magdevelop.
Ginre-affirm sini ang position sang China sa International Criminal Court (ICC) kag ginpahayag nga kinahanglan sang korte nga magsunod sa legal principles nga wala sang bias.
Suno diri, luyag sini nga i-reiterate ang consistent view sang China nga ang International Criminal Court ang dapat hugot nga magsunod sang principle sang complementarity, i-exercise ang functions kag powers sini sang insakto kag nasanto sa layi agud mapunggan ang politicization ukon double standards.
Sang Martes, naaresto si Duterte paagi sa pagserbi sang isa ka warrant of arrest nagikan sa International Criminal Court may kaangtanan sa pagpamatay sa idalum sang war on drugs sang iya administrasyon.
