Magadepende sa Department of Justice ang pag-assess sa rekomendasyon sang House Quad Committee (QuadComm) ang pagfile sang charges batok kay former President Rodrigo Duterte kag iban pa natuhoy sa war on drugs sang nagligad nga administrasyon suno kay President Ferdinand Marcos Jr.
Ini matapos ginrekomendar sang QuadComm ang pagfile sang kaso batok ky Duterte, Senators Ronald Bato dela Rosa kag Bong Go bangud sa ginaalegar bayolasyon sang Philippine Act on Crimes Against International Humanitarian Law, Genocide and Other Crimes Against Humanity.
Suno kay Marcos, pagalantawon ini sang DOJ kag kun tion na agud nga magfile sang kaso, matumod kun ano nga mga kaso ang igafile, paano magproduce sang ebidensya, magakinahanglan sang pagtukod sang kaso.
Suno diri, kinahanglan pa nga i-assess sang maayo kun ano ang posible nga mangin kaso kag kun insakto bala ang direksyon sang rekomendasyon sang mga komitiba nagikan sa Kmara.
Una na nga nagtukod sang isa ka task force ang DOJ agud imbestigahan ang extrajudicial killings sa drug war sa idalum sang Duterte administration.
