Wala sang nasamaran matapos nga maglapaw sa runway ang isa ka eroplano nagikan sa Cebu sa Bacolod-Silay airport sa Barangay Bagtic, Silay City, Negros Occidental, kahapon sang aga.
Sa interview sang Bombo Radyo Bacolod kay Alyas June, sang arrival sang Philippine Airline flight halin sa Cebu ang nag-overshoot sa runway kag ginalantaw nga bangud nga madanlog nagderecho ini sa hilamunan.
Suno kay Alyas June ang tanan nga pasahero ang safe man.
Suno diri, wala naman ginpasugtan sang mga otoridad ang return flight sang nasambit nga eroplano kun sa diin ginhold ini sa airport agud masiguro ang safety sang mga pasahero.
Samtang ginpahayag naman sang hepe sang Bacolod-Silay Airport Police Station nga natural lamang nga mag-awas ang eroplano sa runway ilabi na kun nagainulan kag madanlog.
Suno kay Police Major Dee-Jay Domingo,wala sang nasamaran sa pag-awas sang eroplano sa runway.
Panugyan ni Domingo, sa tion sang paghugpa sang eroplano importante nga ang mga pasahero ang magsunod sa standard operating procedures.
Suno diri, kun ginhambal nga magseat belt, indi anay ini pagkakason samtang wala pa nakafully stop ang eroplano kag wala pa sang clearance halin sa piloto kag crews nga puede na kakson ang seat belt.
Suno diri, dapat magsunod sa safety procedures agud nga kun may mga emerhensya, safe ang tanan.
