Nagapati ang spokesperson sang Negros Occidental Schools Division nga wala sang problema sa pag-implementar sang blended learning bangod nga nakaagi naman sa amo nga sistema ang mga buluthuan, kag iya man ginpasalamatan nga wala sang major cases nga nareport sa sitwasyon sang mga kabataan sa pag-eskwela samtang grabe ang init sang tiyempo.
Sa interview sang Bombo Radyo kay Ian Arnold Arnaez, nakapagwa na ang division office sang Negros Occidental sang hot weather guidelines sa mga buluthuan sa Negros Occidental.
Kabahin sang hot weather guidelines, amo ang suspension sang klase ukon paggamit sang iban nga pamaagi kaangay sang blended learning: modular ukon online class.
Dugang pa niya, handa naman ang mga buluthuan sa blended learning, bangod nga maka-agi naman nga naglabay ang tanan sa modular kag online class.
Sa karun, sa probinsya sang Negros Occidental, wala pa man sang reported nga major cases dala sang mainit nga tiyempo.
