Gin-aprubahan na sang Department of Agriculture (DA) ang pag-import sang masobra 8,000 metric tons sang magagmay nga frozen pelagic fish.
Ini agud mahatagan sang pagtamod ang posible sang epekto sang mga nag-agi nga bagyo sa suplay sang mga lokal nga isda sa pungsod kag sa tunga sang closed-fishing season nga nagsugod sadtong Nobyembre kag ginpalawig pa tubtob sa tunga-tunga sang Marso 2025.
Nadesisyunan ini matapos ang paghinun-anon sang National Fisheries and Aquatic Resources Management Council.
Sa isa ka statement, ginpahayag sang ahensiya nga gin-aprubahan ni Agriculture Secretary Francisco Laurel Jr. ang importasyon sang dugang nga 8,280 MT sang frozen fish kalakip ang galunggong kag mackerel.
Magluwas pa sini sa 30,000 MT sang frozen fish nga una na nga gin-aprubahan nga i-import para sa ulihi nga quarter sang 2024.
