-- ADVERTISEMENT --
Ginreport sang Philippine National Police (PNP) nga nangin malinong kag matawhay ang pag-obserbar sang Semana Santa, nga wala sang dalagko nga insidente sa tion sang mga misa kag prusisyon.
Nagpahanumdom naman si PNP Chief Police General Jose Melencio Nartatez Jr. nga maghalong kag sundon ang simple nga mga pahanumdom sang PNP para sa luwas kag masadya nga selebrasyon sang Easter Sunday, ilabi na sa tourist destinations kag resorts.
Naghingyo man ini sa publiko nga indi magduha-duha sa pagtawag sa Unified 911 ukon sa pinakamalapit nga presinto sa tion nga may emerhensya.
Padayon nga naka-alerto ang PNP subong nga semana santa agud masiguro ang kaluwasan kag kalinong sang mga tawo sa bug-os nga pungsod.
