Nangin matawhay ang pag-obserbar sang tigkalalag, santo sa assessment sang Negros Occidental Police Provincial Office.
Suno kay NOCPPO spokesperson Police Lt. Abegael Donasco, wala sang dalagko nga hitabo kadungan sang pag-obserbar sang tigkalalag sa probinsya.
Ginpasalamatan man sini ang media bangud nangin palaagyan agud maglapta ang impormasyon.
Suno kay Donasco, apisar nga natapos na ang pagsaulog sang tigkalalag ang police assistant desk sang mga kapulisan sa patyo ang magapabilin tubtob sa Nobyembre 4.
Ini agud magpatuman sang minimum health protocols kadungan sang pagkadto sang mga pumuluyo sa patyo matapos nga natalana magbukas subong nga adlaw.
Wala naman sang nagpadulong nga mga pumuluyo sa mga patyo samtang nakasirado ini sang Oktubre 30 tubtob kahapon Nobyembre 2.
