Ginapasalamatan sang pamunuan sang Office of Civil Defense Region 6 ang paghibalo ni President Ferdinand “Bongbong” Marcos Jr. sa sitwasyon sang mga evacuees sang Bulkan Kanlaon kag pagpalab-ot sang bulig.
Sa interview sang Bombo Radyo Bacolod kay Office of Civil Defence Region 6 Director Raul Fernandez, sila ang ginpatawag sang Presidente agud maghatag sang situation briefing sa epekto sang mga aktibidad sang Bulkan Kanlaon.
Yara man ang pamunuan sang Department of Agriculture, Department of Social Welfare and Development, Deparment of Health, gobernador kag bise gobernador sa Negros Occidental kag mga alkalde sa mga apektado nga banwa kag ciudad.
Gina-athag nga ceremonial distribution lamang ang ginhimo kag ang mga local government units na lamang ang magapanagtag sini sa mga evacuees.
Magluwas sa mga evacuees sa La Carlota City, ang iban nga apektado nga LGUs ang makabatun man kaangay sang banwa sang La Castellana kag ciudad sang Bago, bisan ang San Carlos City nga naka-eksperyensya sang pagbaha nakaligad nga bulan sa Negros Occidental, nga nagdangat sa 5,657 families kag 2,838 families sa Canlaon City, Negros Oriental, ukon kabug-usan nga 8,495 ka pamilya.
