Ginpahayag sang Philippine Atmospheric, Geophysical and Astronomical Services Administration nga ginawelcome sini ang mga constructive criticisms kag mga suhestiyon agud mapa-imprubar pa ang mga serbisyo sini kag information dissemination.
Ini matapos nagpabutyag sang pagkadismaya si Senator Imee Marcos natuhoy sa ginaalegar kakulang sang mas timprano nga warnings nagikan sa ahensya nga gintunaan sang mataas nga death toll sang Severe Tropical Storm Kristine.
Suno kay Marcos, kun nangin maayo lamang ang paghatag sang alert sang PAGASA sa mga local government units natuhoy sa intensity sang pag-ulan, mas naka-evacuate sang timprano ang mga pumuluyo kag mas madamo nga kabuhi ang sarang nga masalbar bangud madamo man sang pondo.
Suno kay PAGASA deputy administrator for research and development Dr. Marcelino Villafuerte, gina-adress nila sa karun sang maayo ang issue.
Suno diri, nagapasalamat ini sa mga komento kaangay sini kag ila ini ginakabig nga constructive criticism.
Suno sa iya, ila ginahimo ang tanan agud ma-enhance ang ila serbisyo kag makahatag sang mas maayo nga impormasyon sa publiko.
