Ginpahayag ni Senate President Francis “Chiz” Escudero nga dapat magpreparar ang gobyerno sang Pilipinas sang mga responses sa posible pagbag-o sa mga polisa sa idalum sang bag-o nga term ni US President-elect Donald Trump.
Suno kay Escudero, si Donald Trump ang may major macroeconomic assumption, nagikan sa trade padulong sa security tubtob sa immigration, ang ginpahayag sini nga plano nga himuon ang mangin kaangay sang nauna sini nga administrasyon, ang may dako gid nga impact.
Kun dayunon ni Trump ang deklarasyon sini nga magpatigayon sang mass deportation, kapin 300,000 Filipinos sa Amerika ang posible nga maapektuhan.
Suno kay Escudero, kinahanglan sang napulo ka dalagko nga mga eroplano agud mapagwa ang one percent sang 300,000 Filipinos sa Estados Unidos.
Ginpahayag man sang Senador nga tuman ka importante nga liwat nga bisitahon sang Pilipinas ang relasyon sini sa Amerika matapos nga mas nagsanyog ang military alliance sa idalum sang Biden administrasyon.
