Padayunon sang Pilipinas ang acquisition sang 17 ka mga helicopters nagikan sa Russia apisar sang konflikto sang nasambit nga pungsod sa Ukraine, suno sa Department of National Defense (DND).
Sa isa ka statement, ginpahayag ni DND Secretary Delfin Lorenzana nga ang deal kag initial payment para sa proyekto ang nahisugtan na antes paman nagsugod ang krisis sa Ukraine.
Ang contract price para sa 17 ka mga helicopters ang nagabalor 12.7 billion dollars ukon kapin P663 billion.
Ang delivery ang ginalauman sa masunod nga duha ka tuig.
Suno diri, nakumpleto na ang initial payment para sa Mi-17 heavy lift helicopter acquisition project antes paman nagsugod ang krisis sa Ukraine.
Gindugang man sini nga ila ginasunod ang ila contractual obligations kag ginalantaw ang mga sirkumstansya nga makaapekto sa proyekto.
Pila ka mga pungsod ang nagpatuman na sang sanctions samtang mga mga kumpaniya nga nagboycott sa Russia matapos sini gin-invade ang Ukraine.
Suno kay Lorenzana, ang pagsunod sa compliances kag deliverables sa idalum sang kontrata ang magadepende sa Russia.
