-- ADVERTISEMENT --
Gin-anunsyar ni Department of Agriculture Secretary Francisco Tiu Laurel Jr. nga mahimo na mabakal ang P20 nga kilo sang bugas sa Visayas.
Ini ang ginpatuman kasunod sang pagsinapol nanday President Ferdinand ”Bongbong” Marcos Jr. kag 12 ka mga Gobernador gikan sa Visayas sa Cebu Provincial Capitol.
Pahayag ni Tiu Laurel nga luyag man ni Marcos nga ipatuman ini nga programa sa bug-os nga pungsod.
Apang gin-athag niya nga ang pagbakal sang P20 nga kilo sang bugas ang mangin limitado lang sa pulo ka kilo kada semana ukon 40 ka kilo sa isa ka bulan.
Suno sa Presidente, ini ang nagapakita lang sang amat-amat na nga pagtuman sang iya ginpromisa nga P20 nga balor sa kada kilo sang bugas sa tion sang iya pagpangampanya.
-- ADVERTISEMENT --
