Kabigon nga illegal ang tanan nga ginabaligya nga firecrackers sa gwa sang designated area nga firecrackers zone bisan pa nga may permit.
Sa intreview sang Bombo Radyo Bacolod kay Fire Superintendent Jenny Mae Masip, fire marshal sang Bacolod City Fire Station, sa inisyal 43 na ang nakaprocess sa ila sang permit via online kag pahanumdom ini nga indi sila anay pwede ka baligya tubtob nga wala pa sila sang permit.
Suno diri, ang designated area kun diin makabaligya sang palupok yara sa likod sang Pope John Paul II tower gid lamang.
Paandam sini nga ang tanan nga nagabaligya sang frecrackers sa gwa sang firecracker zone ginakonsiderar nga illegal bisan pa nga may mapakita sila nga permit.
Dugang pa sini, wala sang local manufacturer sang palupok sa probinsya sang Negros Occidental.
Samtang, ginalauman sini nga madamo sang magabakal sang palupok sa Disyembre 23 tubtob 24 kag Disyembre 30 kag 31.
