Pagbalik sa acting para sa pelikula nga Bad Boy 3, ginakalipay ni Senator Robin Padilla

Ginkalipay ni Senator Robin Padilla ang liwat sini nga pagbalik sa pelikula.

Ang pelikula sini nga Bad Boy 3, ipagwa na sa sinehan sa masunod nga bulan kag suno diri ini ang pinakamalawig nga proyekto nga iya gintrabaho.

11 ka tuig ini nga ginhimo bangod na-untat ang filming sang nagsulod ini sa pulitika.

Ulihi nga nakit-an si Robin sa pelikula nga “Bato: The General Ronald dela Rosa Story” sang 2019 kun sa diin siya ang lead actor.

Suno kay Robin, dako ang pagpalangga sini sa industriya sang Filipino movies amo nga wala ini sang rason nga talikdan ang iya acting career.

Naglahog pa kag nagkadlaw si Robin sa pahayag sini nga mas madamo sang artsita sa Senado amo nga wala gid man sini na-miss ang pag-arte.