Komporme ang Presidente sang Bacolod City Public School Teachers Federation sa proposal ni Senator Sherwin Gatchalian nga pagbalik sa schedule sang summer vacation sa bulan sang Abril kag Mayo.
Sa interview sang Bombo Radyo kay Richard Gelangre, madamo sa mga manunudlo ang nagareklamo bangod sa tuman nga kainiton nga dilikado ilabi na nga uso sa karun ang heat stroke.
Suno diri, ang mga manunudlo nagakalse sa pila ka mga estudyante sa sulod sang isa ka classroom, kag masami pa nga naga-transfer sa pihak nga mga room, gani ang kainit nga ila nagakabatyagan ang makahatag sang risgo para sa ila nga ikaayong lawas.
Indi lamang ang mga manunudlo ang nabudlayan, bangod ang mga estudyante nga yara sa sulod sang mainit nga classroom ang indi man maka-focus sa pagpamati sa klase.
Pahayag ni Gelangre, ang summer vacation ang dapat ituon gid lamang sa bulan sang Marso, Abril ukon Mayo nga may tuman ka init nga tiyempo.
