Wala na ginkakibot sang administrasyon ni US President Donald Trump nga magabalos ang Tehran matapos ang US strikes sa Iranian nuclear sites sang weekend.
Suno sa White House official, nakahibalo na sila nga magaretaliate ang Iran kaangay man sang natabo matapos ang pagkamatay ni Iranian commander Qasem Soleimani sang 2020.
Suno sa opisyal, sa ila initial assessments, ang mga missiles nga ginpalupad sang Iran ang wala nag-igo sa mga intended nga targets.
Naintercept sang defenses sang Qatar ang isa ka Iranian missile attack sa US air base sang pungsod.
Ginkondenar sang pila ka mga pungsod sa Middle East kag North Africa ang nasambit nga pagpang-atake sang Iran sa Qatar.
Gintawag ini sang Egypt nga bayolasyon sang soberenya sang Qatar kag threat sa territorial integrity kasubong man isa ka beach sang international law kag United Nations Charter.
Ini ang ginkondenar man sang Saudi Arabi, Jordan kag Bahrain.
Samtang. gintawag man sang opisina sang Palestinian Authority President ang pagpang-atake bilang isa ka dako nga bayolasyon sang soberenya sang sisterly state sini nga Qatar.
